2013-07-05

اللغة بتاعتنا


افتكرت لما أنا وحاتم زمان ألفنا لغة جديدة، وكتبنا حروفها في ورقة خبيناها تحت السجادة علشان محدش غيرنا يكتشف لغزها، واستمرينا لوقت طويل حافظين جملة كاملة بتتقال باللغة دي. حاليًا مش فاكرة الجملة، ولا فاكرة هي كانت بتعني إيه بلغة البني آدمين، بس فاكرة إنه كان عندنا خطط عظيمة لاستخدامها، وتصورات للمهام السرية اللي ممكن تنجح بسببها، وفاكرة لما كنا بنبتسم ابتسامة خبيثة واحنا بنفكر بعض بيها، أو بننفجر في الضحك لما ننطقها قدام حد ويطلع مش عارف معناها فعلًا.

هناك 6 تعليقات:

  1. مش لازم تبقى لغة غريبة
    ممكن تبقى كلمات ملهاش معنى عند كل الناس
    بس لما انتى تستخدميها تبقى ليها معانى كتير عندك
    حلوة افكارك اصلا :)

    ردحذف
  2. واحنا زغار كنت أنا وابن خالتي نعمل هيك .. ههههه بس بطريقة مختلفة .. :)

    رجعتيني لذكريات الطفولة المشردة ..


    ::

    خارج النص :

    ربنا معاكم .. قلوبنا تلهج بالدعاء من أجلكم ..

    يا رب سلم .. يا رب سلم .

    ردحذف
  3. اممم طريقة تواصل سري احتياطا :)

    ردحذف

  4. دي بقي من الذكريات .. انا بحب افتكر الحاجات دي كتير واكتب عنها :)

    دمت بود
    تحياتي

    ردحذف
  5. ههههههههه

    جميل جميل :)

    أيام الطفولة المشاكسة :D

    في انتظار القادم يا لو :)

    تحيتي

    :*

    ردحذف