2013-09-20

التغير

اكتشفت -هو مش اكتشاف جديد يعني- إني مش بحتفظ بإعجابي بالشخصيات لمدد طويلة، وده بيخليني عارفة إن الشيء اللي عاجبني في شخصية ما حاليًا، محتمل جدًا يكون هو نفس الشيء اللي يخليني أفقد إعجابي بيها لاحقًا.
وأزيد ملحوظة جديدة، وهي إن الناس اللي كنت معجبة بيهم من كام سنة ومازلت، فهمَّ بالضرورة اتغيروا، واتغيرت أسباب إعجابي بيهم.
كل ده مش مشكلة. المشكلة بتظهر امتى؟ لما أسأل نفسي عن ناس بطلوا يبقوا موجودين في محيطي من سنين طويلة، وازاي إنهم أصبحوا -إلى حد كبير- بمأمن من عملية إعادة النظر. ولو حصل وأعدت النظر فأنا بحاكمهم بناء على تغيري أنا، في الوقت اللي همَّ زي ما همَّ. إنه.. فين العدل فـ كده؟!

هناك تعليق واحد:

  1. أنا عندي المشكلة مختلفة،
    بيبقى فيه شيء ثابت دايما في الناس، على اختلافهم ما بين بعض وفي نفسهم، أقدر اتخيل مسارهم في حياتي والمشكلة تحصل لما أعوز اختبر المسار الافتراضي في دماغي ده، وأحاول امطه أو اقصره، ساعتها بيتلخبط الموضوع شوية بس أكون اتاكدت ان المسار الافتراضي القدري هايحصل هايحصل.

    "في رأيي" الشيء الموجود الأساسي ده ما بيتغيرش بأشوفه حتى لو بقينا مختلفين ومتخانقين، مستحيل "عندي" انك تتغير، أو لو كنت اتغيرت فأنت عندي بطريقة ما "حيث أراك بالضبط" .

    ردحذف