2014-08-14

اعترافات لبنى

أعترف إني بمارس الاعتراف كتير، لكن مش دايمًا بصورة مباشرة، وأكيد مش تحت الضغط، الضغط بيخليني أعاند أو أخاف.

أعترف إني بخاف، لكن مش من الحاجات اللي بتخوف عادةً، وكتير بخاف من غير سبب، بفكر إنها ممكن تكون مشكلة عضوية مش نفسية. محتاجة أسأل دكتور :))

أعترف إني بقيت بسأل أكتر ما بجاوب، بجاوب الأسئلة بأسئلة، ومش بـ أقطع بالإجابات مهما كنت متأكدة منها في وقت من الأوقات، وده منتهى اللا طمأنينة.

أعترف إن مهاراتي في التعامل مع اللا طمأنينة تطورت كتير، خاصة بعد سنة وشوية من الحياة العملية، واكتشافي لإمكانية تحقيق الأهداف قصيرة الأمد.

أعترف إني عندي مشكلة مع الأمد في حد ذاته، والأكتر مع ازاي ممكن أواجه الزمن مع مزيد من الفقد.

أعترف.. في حياتي ناس -حتمًا- سأفقد عقلي لو راحوا أو اتخلوا.

التخلي بشع.

17 مايو 2013

* هذه كانت في سياق لُعبة بمجموعة من مجموعات المدونين على فيسبوك.

هناك 5 تعليقات:

  1. تعلمنا الحياة باستمرار أن نتخلى ونفقد!
    وأن هذا أمر بشع، ولكنه معتاد .. وعادي !


    للأسف يعني!

    ردحذف
  2. أعترف إني أنا كمان كتير بخاف من غير سبب .. وكده اتنين روشتة من نفس الدكتور :)

    والتخلي فعلا بشع

    ردحذف
  3. واصلي التجوال ، تجولي داخلك :)

    ردحذف