2014-08-18

سد الحنك

أنا واكلة نفسي
وأسفلت الطريق
والهوا المخنوق
والعالي الضغط
والأسباب
والفرص الضائعة
والحلم
والفتی الحلم
وأبويا وأمي
والسكوت اللي في العالم
والصخب
والطريق الدائري
والبنت اللي بتقول شعر
والشعر
واللا شعور
ورمضان وعيده
وكرهي للأعياد
وخوفي من الكلاب
والقطط
والبني آدمين
ومن العنكبوتيين
ومني
وواكلة الغضب
وكل الحاجات اللي باظت
واللي لسة هتبوظ

13 يونيو 2014

هناك تعليقان (2):

  1. "وكل الحاجات اللي باظت
    واللي لسة هتبوظ"

    تنهييدة ..

    مفتقداكي يالبنى .. يارب تكوني بخير :)

    ردحذف
  2. مفيش ايموشن للطبطبة ؟
    حضن كبير
    :)

    ردحذف