2014-10-11

البنت اللي بتجري

نبضت
زحفت
مشيت
جريت
فضلت تجري
بيتعمل فيها
بتعمل أكتر

بتعمل وبس
متعرفش اسم للي بتعمله
متعرفش من الأسماء غير اسمها
واسم البنت في مرايتها

مش بتسمي الأماكن
مش بتهتم تسمي البشر
ولا بتسمي الحاجات
لا بتسمي جوعها لما تجوع ولا الشبع

فعل التسمية اتلغی
اتلغی معاه "شوية" أفعال
زي الطلب
زي التمني
... زي الحب

ازاي تتمنی حبيب ملوش اسم
ازاي تطلب وصله
ازاي تحبه وكل الحب أغاني
وكل الأغاني وصوف
ازاي توصف الشوق المحسوس
ومفعول الحس ملوش اسم

"حاسة بشوق"
"حاسة بيك"
... مش هتعرف تقول

ازاي تبطل تجري؟

هناك 3 تعليقات:

  1. الله يا لبني علي الوصف

    ردحذف
  2. السلام عليكم
    كل عام انت بخير
    جرتينا كلنا ورا كلامك
    حلو الوصف واقوى ما فيه سرعته

    ردحذف
  3. اذن هي البراءة بعينها ابدعتي

    خالد زين

    ردحذف