2017-05-16

تينا وديانيسي بيحبوا بعض

Photo by Anka Zhuravleva.
- ششش ... أنكا بتصورنا دلوقتي.
- شششش.
- هو ازاي ده طبيعي كده؟
- إيه؟
- قربنا من بعض في اللحظة دي، تغميضنا، وهدوءنا الغامض؟
- يمكن تأثير الكوفية، والكاميرا!
- لأ، خلينا نركز لحظة.
- قصدك يعني إننا نشبه بعض بطريقة مريبة؟
- يا لهوي! احنا مركزين فعلا!
- مع الخيط، الخيوط الرفيعة الكتير اللي واصلة ما بيننا في اللحظة دي.
- وهتتقطع أول لما اللقطة تعدي.
- آه، وكل واحد مننا هيروَّح بيته.
- والخيوط؟
- هتتقطع، غالبًا.
- هترجع لما نرجع للصورة تاني؟
- في كل رجوع تاني.

16 مايو 2017

هناك 3 تعليقات:

  1. ايه الصورة دي! *_*

    ردحذف
  2. مساء الخير
    ازيك
    موبايلي انكسر
    عايزة رقمك
    وحشتيني

    ردحذف